Ath! Það sem er innan sviga er yfirleitt nánari útskýring, annað orðaval til að auka skilning eða orð sem eru gefin í skyn í arabíska textanum. Þessi leið er farin þar sem ritstjóri hefur valið að þýða eins orðrétt og hægt er úr arabískunni, en það leiðir til þess að oft er nauðsynlegt að útskýra nánar hvað átt er við.
Dæmi:
hreinar (heilagar) = arabískuna er hægt að skilja á báða vegu og er hvort tveggja því gefið upp.
Hringingin! (Ógæfan!) = arabískan segir í bókstaflegum skilningi "hringingin" en er um myndlíkingu að ræða og er hún útskýrð í sviganum.
sem hefur gert (sem jafngildir) þyngd atóms af góðu = orðin "sem jafngildir" er ekki að finna í arabíska texta Kóransins en hægt er að lesa þau út frá samhenginu, sem sagt, óbein vísun í þessi orð.