Islam.is

www.islam.is

Félag Múslima

Félag Múslima

Ármúli 38, 3 hæð (gengið inn úr Selmúla)
108 Reykjavik

Formaður: Salmann Tamimi
sími: 895-1967
netfang: salmannt@gmail.com

Hægt er að nálgast lög félagsins hér (PDF skjal)

Ársskýrslu félagsins árið 2003 er að finna hér (PDF skjal)

Almenn starfsemi Félags Múslima
Miðstöðin er opin öll kvöld frá klukkan 20:00, en hægt er að hafa samband við Salmann ef uppi eru séróskir um notkun miðstöðvarinnar á öðrum tímum.
Á föstudögum er haldin föstudagsbæn (Jum´a) og er tíminn breytilegur eftir því hvenær hádegisbænin (Dhuhr) er. Hægt er að sjá þann tíma í bænatöflu hjá Islamicfinder.org

Ramadan og Taraweeh bænir
Félag Múslima óskar öllum múslimum Ramadan mubarak og minnir á að Ramadan er ekki eingöngu mánuður föstu heldur einnig sá mánuður sem við reynum að nálgast Guð enn meira í gegnum bænir.

Taraweeh bænir verða haldnar allan mánuðinn og kom Sheikh Adel frá Líbýu til landsins þann 25. september til að halda bænirnar. Þetta er í fjórða skiptið sem Sheikh Adel kemur til landsins til að halda taraweeh bænir.

Taraweeh bænirnar byrja klukkan 21:00 og eru allir hvattir til að mæta.

Fyrirhugað er að halda sameiginlegan iftar á laugardögum og eru allir velkomnir en beðnir um að skrá sig í síðasta lagi á fimmtudegi fyrir iftar. Hægt er að hafa samband við Salmann til að skrá sig í síma 824-5596 eða á netfangið salmannt@gmail.com

Kvennafundir
Reglulegir kvennafundir eru haldnir yfir vetrarmánuðina, frá september til maí. Aukafundir eru einstaka sinnum haldnir yfir sumarmánuðina og eru þeir þá auglýstir sérstaklega.

Fundir vetrarins 2006-1007 munu hefjast eftir Ramadan. Nánari upplýsingar verða birtar þegar nær dregur.

Dagskrá fundanna skiptist yfirleitt í þrennt:
1. útskýringar á Kóraninum (30-45 mín)
2. efni sem er fyrirfram ákveðið (30-45 mín)
3. létt spjall og veitingar (til kl. 22:00)

Mismunandi er hverjir flytja erindi á fundunum, fer það eftir því hver bíður sig fram hverju sinni. Í lok hvers fundar skal liggja fyrir dagskrá næsta fundar.

Þær sem geta eru beðnar um að koma með veitingar til að hafa á boðstólum (t.d. drykki, kex, snakk eða álíka)

Börn eru velkomin en mæður þeirra bera ábyrgð á að þau trufli ekki fundina.

Nánari upplýsingar veitir Julie Sigurðardóttir , s: 847-4874 eða tölvupóstur: islam@islam.is

Þátttakendur kvennafundanna eru einnig með netpóstlista: //groups.yahoo.com/group/kvennafundir

Fréttir af starfi félagsins
Dagana 21-23 ágúst 2004 heimsóttu fulltrúar Risala skandinavíska styrktarsjóðsins Félag Múslima á Íslandi og skoðuðu aðstæður múslima á Íslandi. Styrktarsjóðurinn hefur samþekkt að leggja til fjármagn vegna byggingar á mosku á Íslandi.

Útför Sri Rahmawati fór fram þann 11. ágúst 2004 og fór útförin fram í grafreit múslima í Gufuneskirkjugarði.
Sheikh Salah Taifoor var gestur Félags Múslima á Íslandi frá 29 maí til 5 júní 2004 og hélt nokkur erindi á meðan dvöl hans stóð

Þann 1. febrúar 2004 var haldin samkoma í tilefni Eid al-Adha hátðarinnar. Kl. 11 var beðin Eid-bænin og að henni lokinni var boðið upp á veitingar. Þegar mest var voru um 50 manns á staðnum. Myndir frá samkomunni má finna hér.

Þvertrúarleg samkoma var haldin þann 25. janúar 2004 í safnaðarheimili Háteigskirkju. Þar komu saman einstaklingar trúfélaga bahá'ía, gyðinga, kristnna, múslima og soka gakkai búddista. Samveran var haldin til að árétta mikilvægi gagnkvæmrra virðingar og til að stuðla að friði við upphaf nýs árs. Myndir frá samkomunni má finna hér.

Tarawih bænir voru haldnar á hverju kvöldi í Ramadan.

Þann 12. október síðastliðinn hélt Salmann Tamimi, formaður Félags Múslima, erindi um Íslam í Safnaðarheimili Dómkirkjunnar. Fundurinn tókst mjög vel og mættu um 30 manns og fór fram skemmtileg og fræðandi umræða.

Laugardaginn 8. mars 2003 hélt AFS á Íslandi opið málþing sem bar yfirskriftina Íslam og Íslendingar - samskipti - skilningur og var Salmann Tamimi, formaður Félags múslima á Íslandi, einn af frummælendum.

Þann 11. febrúar 2003 var haldin Eid-bæn í tilefni Eid al-Adha hátíðarinnar. Var bænin haldin í miðstöð Félags Múslima á Íslandi og mættu um 50 karlar, konur og börn. EFtir bænina var boðið upp á léttar veitingar.